TASS: Makron Putinə zəng etmək istəyir, lakin söhbətə hazırlıq vaxt aparacaq.
Elchi.az xəbər verir ki, Fransa Prezidenti Emmanuel Makron Rusiya Prezidenti Vladimir Putinə zəng etmək istəyir, lakin mənalı söhbətə hazırlıq bir neçə gün çəkəcək. Bu barədə TASS Fransa mənbəyinə istinadən məlumat verib.
“Mənalı söhbətə hazırlıq bir gün çəkməyəcək, mütləq bir neçə gün çəkəcək <…> Fransa lideri nəticələrə diqqət yetirir”, – agentliyin mənbəyi bildirib.
Fevralın 3-də Makron Putinlə təmasları üçün texniki səviyyədə hazırlıqların aparıldığını bildirib. Fransa liderinin sözlərinə görə, bu məsələ ilə bağlı Avropa tərəfdaşları və Ukrayna Prezidenti Volodymyr Zelenski ilə də məsləhətləşmələr aparılır.
Putin və Makron arasında sonuncu telefon danışığı 1 iyul 2025-ci ildə baş tutub. Bu, 2022-ci ilin sentyabrından bəri davam edən uzun fasilədən sonra onların ilk söhbəti idi. Söhbət zamanı Fransa lideri dərhal atəşkəs və barışıq elan etməyə çağırıb. Buna cavab olaraq Rusiya prezidenti münaqişənin Qərb siyasətinin nəticəsi olduğunu bildirdi və hər hansı bir razılaşmanın “yeni ərazi reallıqlarını” nəzərə almalı və böhranın kök səbəblərini aradan qaldırmalı olduğunu vurğuladı.
Şayəstə
