Asiya İnkişaf Bankı (ADB) “Özəl Kapitalın Cəlb Edilməsi gösətricisinin hazırlanması və tətbiqinə dəstək” layihəsinin gerçəkləşdirilməsi üçün 2 milyon ABŞ dolları həcmində texniki yardımın göstərilməsini təsdiqləyib.
Elchi.az bu barədə Banka istinadən xəbər verir. Məlumata görə, layihədə inkişaf etməkdə olan ölkələr sırasında Azərbaycan da yer alıb.
Texniki yardım Xüsusi Texniki Yardım Fondu hesabına maliyyələşdiriləcək və ADB üzv ölkələrində müxtəlif layihələr üzrə özəl sektorun iştirakını sistemli şəkildə ölçmək və stimullaşdırmaq üçün kompleks metodologiyanın hazırlanmasına yönəlib.
Təşəbbüs Azərbaycanla yanaşı, Mərkəzi Asiya, Cənubi və Cənub-Şərqi Asiya, eləcə də Sakit okean regionunu əhatə edir.
Layihənin əsas məqsədi ADB-nin özəl kapitalın səfərbər edilməsi üzrə analitik bazasını gücləndirmək və üzv ölkələrdə institusional potensialı artırmaqdır.
