Texas sahillərində kiçik bir Meksika Hərbi Dəniz Qüvvələrinə məxsus təyyarə qəzaya uğrayıb və beş nəfər ölüb.
Elchi.az xəbər verir ki, Hərbi Dəniz Qüvvələri qəzanın Texas ştatının Qalveston sahillərində baş verdiyini təsdiqləyib.
Bəyanatda təyyarənin göyərtəsində dörd Hərbi Dəniz Qüvvələri zabiti və dörd mülki şəxsin olduğu, beş nəfərin öldüyü, iki nəfərin sağ qaldığı və bir nəfərin itkin düşdüyü bildirilib.
Bəyanatda təyyarənin “xüsusi tibbi nəqliyyat vasitəsinin daşınmasına yönəlmiş humanitar missiya” həyata keçirdiyi və tibbi müalicə üçün daşınan bir xəstənin ölənlər arasında olduğu qeyd edilib.
Xilasetmə əməliyyatları təyyarəni okeanda tapan ABŞ Sahil Mühafizəsi bölmələri tərəfindən həyata keçirilib.
Meksika Xarici İşlər Nazirliyi ABŞ-da yerləşən X şirkətinin sosial media platformasında verdiyi açıqlamada bildirib ki, yerli hakimiyyət orqanları ilə əlaqə saxlayaraq Hyustondakı Meksika Baş Konsulluğu vasitəsilə qurbanların ailələrinə dəstək göstərilir.
Şayəstə
