Şimali İtaliyadakı Stelvio Milli Parkında 200 milyon ildən çox yaşı olduğu təxmin edilən minlərlə dinozavr izi aşkar edilib.
Elchi.az xəbər verir ki, İtaliya mətbuatının məlumatına görə, sentyabr ayında Stelvio Milli Parkında təbiət fotoqrafı tərəfindən aşkar edilən kəşf bu gün keçirilən mətbuat konfransında ilk dəfə ictimaiyyətlə paylaşılıb.
Buna görə, parkdakı dik yamaclarda minlərlə dinozavr izi aşkar edilib.
Yüzlərlə metr uzanan bu izlərin 200 milyon ildən çox yaşı olduğu təxmin edilir.
Hündürlüklərinə baxmayaraq, bu qalıqlar yaxşı qorunub saxlanılıb və barmaq və caynaq izləri aydın görünür.
Fotoşəkillərin ilkin təhlillərinə görə, izlər Trias dövrünün sonlarında yaşamış uzunboyunlu və kiçik başlı ot yeyən “prozauropod” dinozavrlarına aid ola bilər.
İtaliyanın Milan şəhərindəki Təbiət Tarixi Muzeyi və Berqamo Universiteti də izlərin aşkar edildiyi ərazini “Avropa qitəsində tapılan Trias dövrünə aid ən vacib fosil yeri” kimi təsvir edib. Qeyd edilib ki, əraziyə piyada getmək mümkün olmadığı üçün izlərin daha əhatəli araşdırılması üçün pilotsuz uçuş aparatları və məsafədən zondlama texnologiyalarından istifadə olunacaq.
Şayəstə
