Polşanın hava məkanının bir gecədə pozulmasına münasibət bildirən NATO-nun baş katibi Mark Rutte bildirib ki, məsələ ilə bağlı qiymətləndirmə aparılır.
Elchi.az xəbər verir ki, onun sözlərinə görə, hücumun qəsdən olub-olmamasından asılı olmayaraq, bu, tamamilə ehtiyatsızlıq və təhlükəlidir.
“Mənim Putinə mesajım aydındır: Ukraynada müharibəni, mahiyyətcə günahsız mülki şəxslərə və mülki infrastruktura qarşı aparılan müharibənin eskalasiyasını və müttəfiqlərin hava məkanını pozmağı dayandırın.
Bilin ki, biz hazırıq, ayıq-sayıqıq və NATO ərazisinin hər qarışını müdafiə edəcəyik”, – deyə NATO-nun baş katibi bildirib.
Eyni zamanda Rutte Polşanın hava məkanının pozulmasına dünənki cavabı çox uğurlu adlandırıb:
“Biz həmişə bir addım öndə olduğumuza əmin olmalıyıq, lakin məncə, dünən gecə göstərdi ki, biz NATO ərazisinin hər qarışını, o cümlədən, hava məkanını müdafiə etməyə qadirik”.
Xatırladaq ki, Polşa daha əvvəl Rusiyanı hava məkanını pozmaqda ittiham etmişdi.
Yeganə
