İspaniyanın baş naziri Pedro Sançes bildirib ki , Avropanın Ukrayna və Qəzzadakı münaqişələrlə bağlı ikili standartları onun dünya miqyasında etibarını sarsıda bilər.
Elchi.az xəbər verir ki, bu barədə “The Guardian” məlumat yayıb.
“Bu müharibələrin kökləri tamamilə fərqlidir, lakin son nəticədə dünya Avropa İttifaqına (Aİ) və Qərb cəmiyyətinə baxır və soruşur: “Niyə Ukrayna və Qəzza zolağından söhbət gedəndə ikili standartlarla yanaşırsınız?””, – deyə siyasətçi bildirib.
İspaniyanın baş naziri Aİ-nin İsrailin hərəkətlərinə reaksiyasını 21-ci əsrdə beynəlxalq münasibətlərin ən qaranlıq səhifələrindən biri adlandırıb. “Aİ-də biz indiyə qədər Aİ-nin İsraillə strateji tərəfdaşlığının dayandırılmasının tərəfdarıyıq”, – o əlavə edib.
Bundan əvvəl Sançes Aİ-nin Qəzza zolağında insan haqlarının pozulmasına görə İsraillə assosiasiya sazişini dayandırmaqdan imtina etməsini tənqid edib . “Rusiyaya qarşı 18 sanksiya paketi tətbiq etməyimiz, (…) və eyni zamanda, Avropanın [İsraillə assosiasiya sazişini] dayandıra bilmədiyi, eyni zamanda, ikili standartlara riayət etməyimiz məntiqsizdir”.
Nuranə Məmmədova
Son şərhlər