Rusiya Xarici İşlər Nazirliyinin sözçüsü Mariya Zaxarova Amerika hərbi gəmilərinin Venesuela sahilləri yaxınlığında yerləşdirilməsi ilə bağlı xəbəri şərh edərkən, Rusiya ABŞ-ın Venesuelaya qarşı güc tətbiq etmək hədələrinə qarşıdır.
Elchi.az xəbər verir ki, diplomatın sözləri nazirliyin saytında dərc olunub.
“Rusiya suveren dövlətlərə qarşı güc tətbiq etmək təhlükəsini qətiyyətlə qəbul etmir. Güclü müdaxilə praktikası və “rəngli inqilablar” üsulları həmişəlik keçmişdə qalmalıdır”, – Zaxarova bildirib.
O əlavə edib ki, Moskva Venesuela xalqı və hakimiyyətləri ilə həmrəylik ifadə edir və Karakasla “yaxın və etibarlı təmasdadır”.
Avqustun 28-də Financial Times (FT) ABŞ Hərbi Dəniz Qüvvələrinin Venesuela sahillərinə səkkiz hərbi gəmi göndərdiyini yazıb . Nəşrin məlumatına görə, gəmilərin göyərtəsində bir neçə min amerikalı hərbçi var. Nəşrin müəllifləri regionda dəniz potensialının bu cür artırılmasını qeyri-adi adlandırıblar.
Daha sonra Ağ Ev ABŞ prezidenti Donald Trampın Venesueladan gələn narkotik ticarətinin qarşısını almaq üçün “Amerikanın bütün gücündən” istifadə etməyə hazır olduğunu bildirib.
Nuranə Məmmədova
