İsrailin müdafiə naziri Katz: İrana qarşı əməliyyat yenidən başlana bilər.
Elchi.az xəbər verir ki, Müdafiə Nazirliyinin bəyanatında Katzın hərbi rəsmilərlə Yaxın Şərqdəki hücumları ilə bağlı vəziyyətin qiymətləndirilməsi zamanı verdiyi açıqlamalar yer alıb.
Qeyd edilib ki, Katz İsrail Baş Qərargah rəisi Eyal Zamirlə yanaşı, bir neçə yüksək rütbəli hərbçi, Mossad və Şin Bet rəsmiləri ilə birlikdə vəziyyətin qiymətləndirilməsində iştirak edib.
Katz, İsrailli əsirlərin geri qaytarılması və HƏMAS-ın məhv edilməsi də daxil olmaqla, Qəzzada “müharibə məqsədlərinə” çatmağa ən yaxın olduqlarını bildirdi.
Katz Qəzza zolağına və Yəmənə qarşı hücumlarını davam etdirdiklərini bildirsə də, İran, Livan və Suriyada etdikləri kimi bu bölgələri də “qətiyyətli hücumlarla” tamamilə “dağıdacaq” hərəkətə keçmələri lazım olduğunu müdafiə etdi.
Nazir Katz, İranı yenidən hücumlar ehtimalı ilə hədələyərək, 12 günlük hücumları ilə əldə etdiklərini iddia etdikləri “qazancları və hava üstünlüyünü” qoruyub saxlamaqla “İranın nüvə və raket layihələrinin bərpasının” qarşısını almaq üçün gələcək plan hazırlamalı olduqlarını bildirdi.
Katz qeyd edib ki, İsrailin Suriya və Livanın işğal olunmuş ərazilərində olması “həyati vacibdir”.
Katz işğal altındakı Fələstin ərazisi olan İordan çayının qərb sahilindəki qaçqın düşərgələrinə hücumlarının “uğurlu” olduğunu, qaçqın düşərgələrinə hücum və basqınlarına davam edəcəklərini iddia edib.
Katz həmçinin bəyan edib ki, İrana qarşı əməliyyatların bərpası ehtimalı var.
Şayəstə Hüseynova
