Avropa Kosmik Agentliyinin (ESA) qiymətləndirmə mərhələsində olan yeni bir kosmik missiya, Marsa insanlı enişin mümkünlüyünü artıracaq elmi infrastruktur yaratmağı hədəfləyir. İngiltərənin rəhbərliyi ilə həyata keçirilən M-MATISSE layihəsi, Qızıl Planetin kosmik hava şəraitini detallı şəkildə araşdıraraq gələcək insanlı missiyaların təhlükəsizliyini təmin etməyi məqsəd qoyub.
Elchi.az xəbər verir ki, M-MATISSE (Mars Magnetosferi, Atmosfer, İonosfer və Kosmik hava Elmi) missiyası Marsa iki robot orbit aparatı göndərməyi planlaşdırır. Bu aparatların əsas vəzifəsi planetin maqnetosferi, ionosferi və termosferi kimi atmosfer qatlarını, həmçinin səthə yaxın atmosfer və şüalanma səviyyələrini tədqiq etməkdir.
Əgər missiya təsdiqlənərsə, Marsın kosmik havasını bütün qatları ilə öyrənməyə fokuslanan ilk xüsusi missiya olacaq.
Şayəstə Hüseynova
