İsrailin Suriyanın cənubunda baş verən son hadisələrdə hərbi güc tətbiq edərək müdaxil olmasını qınayır və bu hücumların dərhal dayandırılmasının vacibliyini vurğulayırıq.
Elchi.az xəbər verir ki, bu barədə Türkiyə Xarici İşlər Nazirliyinin məlumatında deyilir.
“Suriyada sabitliyin və təhlükəsizliyin təmin edilməsi başda Suriya xalqı olmaqla bütün qonşu dövlətlərin, ümumilikdə region üçün faydalıdır. Bu mənada Suriya hökumətinin bütün ölkə üzrə təhlükəsizliyi qorumaq və gücləndirmək üçün atdığı addımların dəstəklənməsi gərəkdir”, – deyə bildirilib.
Qeyd edək ki, son məlumatlarda İsrail qırıcılarının Suriyanın İzra şəhərində Suriya ordusuna məxsus komanda məntəqəsi və sursat anbarlarına zərbə endirdiyi deyilir.
