Azərbaycan xalqı və hökuməti zəlzələnin ilk günlərindən qardaş Türkiyənin yanında oldu. Türkiyəyə səfərimdə həmkarım Mövlud Çavuşoğlu və bu ölkənin daxili işlər naziri Süleyman Soylu ilə görüşərkən məni bir neçə məsələ çox təsirləndirdi. Zəlzələnin acı fəsadlarını öz gözlərimlə gördüm, çox ağır idi.
Elchi.az xəbər verir ki, bu fikirləri Azərbaycanın xarici işlər naziri Ceyhun Bayramov Xocalı faciəsinin 31-ci ildönümü münasibətilə keçirilən tədbirdən sonra jurnalistlərə müsahibəsində deyib.
Nazirin sözlərinə görə, dünyada Türkiyə kimi çox az sayda ölkə var ki, belə ağır nəticələri olan zəlzələ ilə qarşılaşıb.
“Bu ağır faciəni yaşayan insanların yüksək mənəviyyata malik olduqlarına şahidlik etdik. Onlar əzmlərini itirməmişdilər. Faciənin üzünə mərdcəsinə baxırdılar. Bu faciə Türkiyə xalqının dəyanətini bir daha sübuta yetirdi”, – deyə Ceyhun Bayramov vurğulayıb.
Hərbçilərimiz Türkiyəyə yola salındı – Video
Türkiyə Respublikasının İstanbul və İzmir şəhərlərində 49 ölkədən ümumilikdə 1567 nəfərdən ibarət şəxsi heyətin iştirakı ilə keçirilən “EFES-2024” çoxmillətli təlimi...