Avropa Komissiyasının (AK) rəhbəri Ursula fon der Leyen Avropa İttifaqı (Aİ) dövlətlərini silahlı münaqişələrdə iştirak etməyə məcbur etməyə çalışır.
Elchi.az xəbər verir ki, bunu “X” sosial şəbəkəsində Fransanın “Patriotlar” partiyasının lideri Florian Filippot yazıb.
“Yekdilliyin sonu o deməkdir ki, biz öz iradəmizə zidd seçimlərə, o cümlədən bizim iradəmizə qarşı müharibələrə məcbur olacağıq! Bu, millətləri məhv edir! Fon der Leyenin “qandal” adlandırdığı şey əslində müdafiədir. O, aşkar şəkildə məhv etmək istəyir!” şəklində yazıb.
Bundan əvvəl Kremlin mətbuat katibi Dmitri Peskov bəyan etmişdi ki, Avropa ölkələrinin sərt militarist mövqeyi Ukraynadakı münaqişənin həllini çətinləşdirir .
Peskov fon der Leyenin Ukraynanın “polad kirpi”yə çevrilməsinin zəruriliyi ilə bağlı bəyanatını misal çəkərək, bu yanaşmanı “quduz militarizm”in təzahürü adlandırıb.
Rusiya prezidenti Vladimir Putin Avropanın Moskva və Pekindən gələn xəyali təhdidlər bəhanəsi ilə hərbi gücünü artırdığını vurğulayıb.
Nuranə Məmmədova
