Rusiya Xarici İşlər Nazirliyinin konsulluq departamentinin direktoru Aleksey Klimov bildirib ki, 2023-cü ilin 9 ayı ərzində 4400 nəfər Rusiya vətəndaşlığından imtina edib.
Elchi.az bu barədə RİA.ru-ya (RİA Novosti) istinadən xəbər verir.
Klimovun sözlərinə görə, 15 mindən çox insan xaricdə Rusiya pasportu alıb.
“Bu il Rusiya vətəndaşlığından imtina edənlərin sayı keçən ilki məlumatlarla müqayisə oluna bilər. 2022-ci ilin sonuna 4300 nəfər Rusiya vətəndaşlığından imtina edib”, – deyə Klimov RİA Novosti-yə müsahibəsində bildirib.
Ötən il Rusiya vətəndaşlığından imtina edənlərin sayı son üç ildə ən yüksək (2020-ci ildə 3877, 2021-ci ildə 4055) olub. Halbuki 2019-cu ildə Rusiya vətəndaşlığından çıxanların sayı bir qədər çox, 4356 nəfər olub.
Diplomat həmçinin Rusiya XİN-in əməkdaşlarının xaricdə doğulmuş 12500 uşağına Rusiya vətəndaşlığı verildiyini bildirib.
“Müqayisə üçün qeyd edək ki, 2022-ci ildə bu göstəricilər müvafiq olaraq 23,5 min və 13,6 min nəfər olub”, -deyə Aleksey Klimov əlavə edib.
Yeganə
Son şərhlər