İdeal yuxu saatı hansıdır?-ARAŞDIRMA

48

Qan təzyiqi və ürək xəstəliyindən qorunmaq üçün ideal yuxu vaxtının kişilər üçün 23:00, qadınlar üçün isə 24:00 olduğu açıqlanıb.

Elchi.az bu barədə Türkiyə mediasına istinadən xəbər verir.

Həmişə eyni zamanda

Alimlər kişilər və qadınlar üçün ideal yuxu vaxtını müəyyən ediblər. Araşdırmalara görə, axşam saat 23:00-da yatmaq yüksək təzyiq riskini azaldır və ürəyi qoruyur. Qadınlar üçün ideal yuxu vaxtı saat 24:00 olaraq təyin edilib. Cənubi Çin Universitetinin tədqiqatçıları yuxu vərdişlərinin ürək sağlamlığına necə təsir etdiyini öyrənmək üçün 14 000-dən çox böyüklər arasında aparılan araşdırmada əhəmiyyətli nəticələr əldə ediblər. Tədqiqat, həftənin əksər günlərində ideal yuxu saatlarına sadiq qalanların ürək problemləri ilə qarşılaşma ehtimalının daha az olduğunu müəyyən edib.

Balans lazımdır

“Port Graduate Medicine” tibb jurnalında dərc edilən nəticələr, axşam saat 23:00-dan əvvəl və ya sonra yatağa gedən kişilərdə yüksək qan təzyiqi riskinin 32 faiz daha çox olduğunu göstərib. Qadınlar üçün ən sağlam yuxu vaxtı olan 00.24-ü keçmək sağlamlıqsızdır. Tədqiqatçılar qeyd ediblər ki, yüksək təzyiq ideal saatlarda yatmaqla azalır. Digər saatlarda yatmaq isə bədənin daxili saatını pozaraq qan təzyiqinin yüksəlməsinə səbəb olur. Ancaq bu saatlar xaricində çox və ya az yatmağın da zehni stressi yüksək səviyyədə artıracağı, beləliklə də ürək sağlamlığı riskini artıracağı ifadə edilib.

Yeganə