Fevralın 24-də Avropa İttifaqı Moskvaya enerji resurslarına görə Ukraynaya verdiyi silahlardan 35 dəfə çox pul ödəyib. Elchi.az xəbər verir ki, bu barədə Avropa İttifaqının xarici siyasət üzrə ali nümayəndəsi Cozep Borrel Avropa Parlamentində çıxışı zamanı məlumat verib.
O qeyd edib ki, Avropa ölkələri Ukraynada müharibə başlayandan bəri ruslara enerji daşıyıcıları üçün 35 milyard avro ödəyiblər. Borrelin sözlərinə görə, Ukraynaya ayrılan maliyyə yardımının məbləği isə 35 dəfə az olub.
- Biz ukraynalılara özlərini müdafiə etmələri üçün kömək etməliyik. Ukraynaya demək olar ki, bir milyard avro verdik. Bu, çox görünə bilər, amma bir milyard avro Putinə onun bizə verdiyi enerjiyə görə hər gün ödədiyimiz puldur, – Borrell deyib.
O, Zelenskinin onlardan gözləntisi barədə də söz açıb.
- Zelenskinin bizim ona qəhrəman olduğunu daha az söyləməyimizə və döyüşməsi üçün daha çox silah verməmizə ehtiyacı var. Ukraynalıların bizdən gözlədiyi budur. Biz bunu daha tez etməliyik. Rusiyaya təzyiq göstərməli Ukraynanı isə silahlandırmalıyıq, – Borrel vurğulayıb.