Ukrayna prezidenti Volodimir Zelenski ABŞ-ın Rusiya-Ukrayna müharibəsinə son qoymaq üçün danışıqları sentyabr ayına qədər başa çatdırmağa çalışacağını bildirib və əlavə edib ki, yaz və yay onlar üçün siyasi və diplomatik baxımdan asan olmayacaq.
Elchi.az xəbər verir ki, Zelenski sosial media hesabında paylaşım edərək bildirib ki, Kiyevdəki ofisində jurnalistlərlə görüşüb və cari məsələlərlə bağlı sualları cavablandırıb.
ABŞ, Ukrayna və Rusiyanın əvvəllər Rusiya-Ukrayna müharibəsinə son qoymaq üçün üçtərəfli danışıqlar apardığını xatırladan Zelenski qeyd edib ki, bu cür danışıqlar davam etdirilməlidir.
Zelenski bildirib ki, Rusiya gərginliyi azaltmaq yolunu seçərsə, üçtərəfli görüş olacaq və bu, aprel, may və ya iyun aylarında baş tuta bilər.
ABŞ-ın böhranın həllinə yönəlmiş bu danışıqları ara seçkilərdən əvvəl başa çatdırmağa çalışacağını iddia edən Zelenski bildirib ki, “Düşünürəm ki, sentyabr ayına qədər bizim üçün çox çətin olacaq. Düşünürəm ki, amerikalılar bu dialoq üçün heç kimə daha çox vaxt verməyəcəklər. Bu yaz və yay siyasi və diplomatik baxımdan asan olmayacaq. Ukraynaya təzyiq ola bilər. Döyüş meydanında da təzyiq olacaq”.
Zelenski vurğulayıb ki, Ukrayna milli maraqlarını və təhlükəsizliyini qoruyarkən işləməyə davam edəcək və əlavə edib: “Bu prosesdə Rusiyaya kifayət qədər təzyiq göstərmək vacibdir. Məsələn, müttəfiqlər bu il misli görünməmiş, tarixi, inqilabi və müəyyən mənada qalib NATO zirvə görüşü keçirə bilərlər”.
Şayəstə
