Ukrayna Prezidenti Volodimir Zelenski ölkəsinin Avropa Birliyinin (AB) tamhüquqlu üzvü olmağa layiq olduğunu bildirdi.
Elchi.az xəbər verir ki, Zelenski “Ukrayna-Cənub-Şərqi Avropa Zirvəsində” iştirak etmək üçün Kiyevə gələn Avropa Komissiyasının prezidenti Ursula fon der Leyen ilə birgə mətbuat konfransı keçirdi.
Rusiya-Ukrayna müharibəsinin başlanğıcından bəri ölkəsinə verdiyi dəstəyə görə AB-yə təşəkkür edən Zelenski, siyasi və müdafiə sahələrində yardımın onlar üçün vacib olduğunu bildirdi.
Ölkəsinin AB ilə inteqrasiya prosesinə toxunan Zelenski dedi: “Bu gün Avropada hər kəs razıdır. Biz AB-nin tamhüquqlu üzvü olmağa layiqik.”
Zelenski AB-nin Rusiyaya qarşı 21-ci sanksiya paketini təsdiqləməsini gözlədiklərini bildirdi və əlavə etdi: “Birgə təzyiq, Avropa və ABŞ ilə əməkdaşlığımız, xalqımızın sayəsində sülhə nail olacağımıza tamamilə əminəm. Birlikdə vahid və güclü bir Avropada sülh içində olacağıq.”
Ukraynada Nazirlər Kabinetinin tərkibindəki dəyişikliklər
Zelenski çıxışında 12 iyulda elan etdiyi kabinet tərkibindəki dəyişikliklər prosesinə də toxunub.
Ukrayna Prezidenti hökumət dəyişikliklərinin bir hissəsi olaraq, vəzifəsindən istefa verən Yuliya Sviridenkonun yerinə Ukrayna dövlət neft və qaz şirkəti Naftogaz-ın baş direktoru Sergiy Koretskinin yeni baş nazir vəzifəsinə namizəd göstərildiyini açıqlayıb.
Zelenski qeyd edib ki, Koretski hazırda yeni kabinet etimad səsini almadan əvvəl parlamentdə müzakirələr aparır.
Şayəstə
