ABŞ Aerokosmik Agentliyinin (NASA) Yupiterin orbitində araşdırma aparmaq vəzifəsi daşıyan Juno kosmik gəmisi qaz nəhənginin şimal qütbünün yaxınlığında parlaq yaşıl kürə şəklini çəkib.
Elchi.az xəbər verir ki, NASA, vasitənin “JunoCam” kamerasından çəkilən fotonun Yupiterin fırtınalı atmosferində fırtınalar nəticəsində əmələ gələn ildırım olduğunu açıqlayıb.
Fotoda Yupiterin səthini örtən buludlarda “yaşıl şimşəklərlə parlaq kürə” olduğu bildirilib.
NASA qeyd edib ki, Yer kürəsində ildırım ekvatorun üstündəki buludlardakı sudan, Yupiterdəki şimşək isə buludların tərkibində olan ammonyak və su qarışığından ibarətdir və belə formasiyalara planetin qütbləri yaxınlığında tez-tez rast gəlinir.
Yaşıl kürənin fotosunun Juno-nun orbital uçuşu zamanı Yupiter buludlarından 19.900 mil (təxminən 32 min kilometr) yüksəklikdə çəkildiyi paylaşılıb.
Bildirilib ki, foto NASA-nın Jet Propulsion Laboratoriyasında çalışan alim Kevin M. Gill tərəfindən aşkar edilib.
Yupiterdəki ildırımın Yerdə yaşananlardan 10 dəfə güclü olduğu, digər planetlərdə ildırım çaxmasının təsbit edildiyi, Saturnda isə saniyədə 10 dəfə ildırım çaxdığı vurğulanıb.
Bildirilib ki, Juno 2016-cı ildəki missiyasından bu yana Yupiter ətrafında 35 dəfə dövr edib, planetdəki solğun toz halqaları, “Böyük Mavi Ləkə”, ekvator yaxınlığındakı maqnit sahəsi və planetin bilinməyənləri haqqında məlumat toplamağa davam edib.
Şayəstə Hüseynova