Xarici işlər naziri Hakan Fidan Antalya Diplomatiya Forumunda İsrailin Yunanıstan və Kipr Rum Administrasiyası ilə antiislam ittifaqı ilə bağlı açıqlamalar verib. Bu açıqlamalardan sonra Yunanıstanda İsrail əleyhinə səslər yüksəlməyə başlayıb.
Elchi.az xəbər verir ki, Afinanın İsrailə qarşı siyasəti hələ də şübhə altına alınır. “Müharibə cinayətləri törədən bir ölkə ilə ittifaq qurmaq bizi də riskə atır” kimi şərhlər edilir.
Xarici işlər naziri Hakan Fidan Antalya Diplomatiya Forumunda İsrailin Yunanıstan və Kipr Rum Administrasiyası ilə antiislam ittifaqı ilə bağlı qiymətləndirmələr edib.
Bu açıqlamalar böyük ajiotaj yaradıb.
Yunanıstan mətbuatında Yunanıstanın İsraillə çirkli ittifaqı ilə bağlı reaksiyalar davam edir. Afinanın İsrailə qarşı siyasəti şübhə altına alınır.
“Ta Nea” qəzetində dərc olunan məqalədə İsraillə qurulan sıx hərbi əməkdaşlığın uzunmüddətli perspektivdə Yunanıstan üçün risklər yaratdığı qeyd edilib.
İsrailin müharibə cinayətləri törətməyə davam etdiyi və bu vəziyyətin İsraillə ittifaqı riskli etdiyi bildirilib.
Qeyd edilib ki, AB-nin bir çox ölkəsi İsraillə müqavilələri dayandırmağa başlayıb.
Yunanıstan müxalifət partiyaları SYRIZA və Yeni Sol liderləri öz açıqlamalarında Aİ-nin İsrail ilə tərəfdaşlıq müqaviləsini ləğv etmək tələbini dəstəkləyiblər. İsrailin terrorçu dövlətə çevrildiyi və soyqırımlar törətdiyi xatırladılıb.
Yunanıstan müxalifət liderləri bu cinayətlərdə iştirak etməmək üçün İsraillə bütün ticarət müqavilələrinin dayandırılmasını tələb ediblər.
“Efimerida Ton Sintakton” qəzeti də öz hesabatında “Soyqırım törədən bir ölkə ilə necə ittifaq qura bilərik?” sualını verib və “İsrailpərəst əhval-ruhiyyəyə təslim olan hökumət çarəsizdir” şərhini verib.
Şayəstə
