Yeni Zelandiyanın Şimal Adasının bəzi yerlərində daşqınlar və torpaq sürüşmələri baş verib və fəlakətlər nəticəsində itkin düşənləri tapmaq üçün axtarış-xilasetmə əməliyyatlarına başlanılıb.
Elchi.az xəbər verir ki, yerli vaxtla təxminən saat 09:30 radələrində Şimal Adanın Plenty Körfəzi bölgəsindəki Maunganui dağının yamaclarında yerləşən düşərgədə torpaq sürüşməsi baş verib.
Polis rəsmisi Tim Anderson torpaq sürüşməsində itkin düşənlərin sayının “tək rəqəmli” olduğunu, lakin təbii fəlakətdən nə qədər insanın zərər çəkdiyi barədə məlumat verməyib.
Anderson həmçinin Papamoa bölgəsində torpaq sürüşməsinin baş verdiyini və fəlakətdə itkin düşmüş iki nəfərin xilas edilməsi işlərinin davam etdiyini bildirib.
Yeni Zelandiya Yanğın və Təcili Yardım İdarəsinin rəsmisi Uilyam Payk da torpaq sürüşməsindən üç saat sonra sağ qalanların tapılmadığını və ölən və ya itkin düşənlərin sayı ilə bağlı hələlik rəsmi açıqlama verilmədiyini bildirib. Payk yerli sakinlərin torpaq sürüşməsindən sonra dağıntılardan səslər eşitdiklərini və gələn ilk yanğınsöndürənlərin də səslər eşitdiklərini, lakin o vaxtdan bəri heç bir həyat əlaməti aşkarlanmadığını bildirib.
Şimal Adanın böyük bir hissəsinə təsir edən güclü yağışlar zamanı adanın şimalındakı Uorkvort şəhəri yaxınlığında bir nəfər daşqınlar nəticəsində itkin düşüb. Adanın müxtəlif yerlərində baş verən digər daşqınlar və sürüşmələr səbəbindən bir çox yol bağlanıb və onların yenidən açılması üçün səylər davam etdirilir.
Yeni Zelandiyanın Baş naziri Kristofer Lukson hökumətin fəlakətlərdən zərər çəkənlərə dəstək olmaq səylərini davam etdirdiyini bildirib.
Şayəstə
