İkinci əl bazarda satılan avtomobillərin sayı gün-gündən artmaqdadır. Bunun bir səbəbi satanın çox, alanın isə az olmasıdırsa, digər bir səbəbi isə artıq insanların salonlardan yeni avtomobil almağa üstünlük verməsidir. “Marja”nın məlumatına görə, lakin bir sıra alıcılar salondan avtomobil alarkən düzgün seçim etmirlər. Əlindəki pula daha yaxşı avtomobil ala biləcəyi halda, təchizat baxımından zəif, yüksək xərcli, təkrar bazarda satılması imkanı aşağı olan və s. bir avtomobili seçirlər. Bəs yeni avtomobil alan zaman nələrə diqqət yetirmək lazımdır?
1. Yeni avtomobilin ən son texnologiyaya malik olub-olmadığına fikir verin
Hər bir alıcı sərfəli avtomobil almaq arzusundan savayı, yığdığı pulu sadə “nəqliyyat vasitəsinə” deyil, daha mükəmməl, təkmilləşdirilmiş və hamının diqqətini cəlb edən, öz həyat tərzini əks etdirən üslubda, bir sözlə “ürəyinə yatan” bir texnologiyaya xərcləmək istəyir. “Ən son texnologiya bahalı avtomobillərdədir” fikri səhvdir. Qiyməti elə də yüksək olmayan avtomobillər də texnologiya ilə təchizat baxımından geri qalmırlar. Məsələn, “cip” almaq istəyənlər Tam Yeni Tucsonu seçə bilərlər. Tam Yeni Tucsonun təkmilləşdirilməsi və təhlükəsizlik sistemlərinin funksionallığı rəqibləri ilə müqaisədə diqqəti xüsusi cəlb edir. Rahatlığı təmin edən SUV sinifinin Santa Fe və Grand Santa Fe modelləri daha çox ailə avtomobili axtaran sürücülərin tələblərinə cavab verir. Dözümlü, ən son texnologiyaya malik, həm də alaman istehsalı olan biznes sedan axtaranlar tam yeni Volkswagen Passatı ala bilərlər. Pulu 20 min manata qədər olan alıcılar isə Volkswagen Polo-nu, yaxşı imkanı olan alıcılar isə Mercedes-Benz S-Klass modelini seçə bilərlər. Hazırda rəsmi təmsilçi AutoStar Kaukasus şirkəti “Elegance” və “Luxury” paketlərini xüsusi qiymətlər ilə təklif edir.
Yeri düşmüşkən qeyd edək ki, bu yaxınlarda alıcılara təqdim olunacaq tam yeni Elantra sedan modeli də müasirlik və dinamikliyə üstünlük verən sürücülər üçün “göydəndüşmə” fürsət olacaq. Yeni Elantranın qiymətilərinin 31.900 manatdan başlayacağı gözlənilir.
2.Sərfəli kredit şərtləri
Texnologiya ilə bərabər, avtomobilin satış şərtləri də alıcılar üçün əhəmiyyətlidir. Hazırda bir sıra avtomobil salonlarında kreditlə satış 18% ilə həyata keçirilir. Lakin son günlər bəzi salonlar banklar ilə danışaraq avtomobilləri 14% illik faiz dərəcəsi olan kredit ilə satmağa başlayıblar. Məsələn, Alman texnologiyalı Seat avtomobilləri illik faiz dərəcəsi 14% olan manat krediti ilə təklif olunur. Seat İbiza modelini, ilkin ödənişi 8900 AZN, aylıq 255 AZN və müddəti 36 ay olmaqla kreditlə əldə etmək olar.
“Auto Azerbaijan” şirkətinin “Hyundai” salonlarında da avtomobillər 14% illik faiz dərəcəsi olan kredit ilə təklif olunur. Devalvasiyadan sonra da “Hyundai”lərin qiymətlərinin son dərəcə rəqabətcil olması və aşağı faiz dərəcəsi sizi axtardığınız avtomobilə daha bir addım yaxınlaşdırır. Yuxarıda qeyd etdiyimiz kimi, Yeni Elantra modelinin qiyməti 31.900 manatdan başlayacaq və bu modeli sərfəli kredit şərtlərilə 14% illik bank faizilə almaq mümkün olacaqdır. Üstəlik təklif olunan 5 illik zəmanət şərtləri avtomobilin istismar xərclərini azaltmağa imkan verir.
3.Yeni avtomobili rəsmi distribyutordan alın
Avtomobili rəsmi distribyutordan almağın və marka tərəfindən göstərilən xidmətin bir çox müsbət cəhətləri var. Birincisi, rəsmi dilerlərdə bütün model sırası təmsil olunur. İkincisi, avtomobildə ortaya çıxan qüsurlar istehsalçı tərəfindən təklif olunan müasir diaqnostika və təmir avandanlıqları vasitəsilə aradan qaldırılır. Üçüncüsü, təmir zamanı istifadə olunan, quraşdırılan və dəyişdirilən bütün eytiyat hissələri orijinaldır. Və dördüncüsü, göstərilən xidmət keyfiyyətidir ki, bu da istehsalçı tərəfindən davamlı təlimləndirilən, bilik və təcrübəyə malik peşəkar texniki personal tərəfindən yüksək səviyyədə həyata keçirilir. İstifadə olunmuş avtomobil seçərkən, nəzərə almaq lazımdır ki, bundan öncəki sürücünün avtomobilə davranışı fərqli ola bilər. Bir çox hallarda avtomobil başqa sahibin əlinə keçəndən sonra da əlavə xərc və qulluq tələb edir. Lakin, hələ bir müddət bu avtomobili istismar edəcəyiniz halda, çəkdiyiniz xərclərin və vaxtınızın nə qədər əhəmiyyətli olması – ayrı bir mövzudur.
4. Servis mərkəzi və istismar xərcləri
Tutaq ki, siz Bakı ətrafında yerləşən şəhərlərdən birində və ya rayonda yaşayırsınız. Avtomobili seçən zaman servis mərkəzinin nə qədər uzaqlıqda yerləşməsinə fikir verməlisiniz. Əks halda tez-tez uzun məsafə qət etməli, vaxt itirməli və əlavə xərc çəkməli olacaqsınız. Elə rəsmi satış salonları var ki, onların servis mərkəzləri çoxdur. Məsələn, Hyundai, Nissan markaları servis mərkəzlərinin çox olması ilə seçilirlər. Sürücülərin bir çoxu minimum vəsaitlə uzun müddətli istifadə üçün avtomobil axtarışındarlar.
Bir ailənin orta aylıq gəlirini nəzərə alsaq, istismar xərcləri minimum oaln modelləri seçmək məqsədəuyğundur. Bütün istehsalçılar avtomobillərin amortizasiya, yanacaq xərcləri, maliyyə və sığorta haqları, texniki qulluq və dövri təmir xərclərini nəzərə alırlar, lakin çox zaman sevilən və nüfuzlu modellərin qiymətləri, texniki özəllikləri və təyinatlarına görə bütün bu amillərlə eyni anda uyğunlaşmaya bilər.
İstehsalçılar arasında bu tələblərə cavab verən və model sıralarında sərfəli istismar xərcləri Hyundai markasının SUV sinifinin geniş tutumlu Tucson modeli 2.0 mühərriklə hər 100 km. məsafəyə 9.5 litr yanacaq sərfiyyatı ilə müştərinin həm rahatlığını həm də yanacağa qənaət etməsini təmin edir.
“İştahlı” mühərriklər məsələnin bir tərəfidir. Digər tərəfdən yeni avtomobilin zəmanətdə olması da müştəri üçün əlverişlidir. Məsələn, azərbaycanda ən çox satılan avtomobillərdən biri olan Hyundai-ın yeni kampaniyası çərçivəsində zəmanətdə olan avtomobillərin dövri təmir intervalı 5.000 km-dən 10.000 km-ə qədər uzadılmışdır.
Rəsmi distributorların təqdim etdiyi mövsümi kampaniyaları sayəsində endirimli xidmətin fürsətlərindən yararlanmaq da mümkündür. Hal-hazırda Hyundai-ın bahar kampaniyası ehtiyat hissərənə 10%, işçilik haqqının ödənişlərinə isə 20% endirim imkanları yaradır.
Keyfiyyətsiz ehtiyat hissələri ilə və qeyri-peşəkar aparılmış təmirə görə bir-neçə dəfə təmirə getməkdənsə, bir dəfə rəsmi servisə gedib məmnun qalmaq can rahatlığıdır. Servis mərkəzlərinin qiymətlərini də nəzərə alın. Bir neçə markadan olan avtomobili seçdikdən sonra, yağ, filtirin, əyləc kolodkalarının dəyişdirilməsi, balansın aparılması və s. qiymətləri öyrənərək müqayisə aparın.
5. Avtomobilin təkrar satıla bilinməsi imkanı
Aldığınız avtomobili bir müddət sonra sata biləcəyiniz qiyməti də çox əhəmiyyətlidir. Düzdür, avtomobili salondan alıb çıxartdıqdan sonra dəyəri bir qədər düşür. Bu elə də əhəmiyyətli deyil. Əhəmiyyətli olan həmin avtomobili 3-5 il sürdükdən sonra rahat və münasib qiymətə sata bilməyinizdir. Təkrar bazarda ən çox satılan avtomobillərə diqqət yetirin. Çünki bir vaxt siz də öz avtomobilinizi bazara aparmalı olacaqsınız. Yəqin ki, avtomobilinizi bir neçə aya və dəyər-dəyməzinə də satmaq istəməzsiniz.
Gələcəkdə avtomobilinizi yaxşı qiymətə və qısa müddətdə satmağınız üçün Çin istehsalı, kiçik hetçbek, xərci böyük olan və elə də tanınmamış markaların avtomobillərindən uzaq durun. Avtomobilin yenidən satış qiymətinə əhəmiyyət vermirsinizsə, münasib qiymətləri ilə seçilən Çin avtomobillərini ala bilərsiniz. Adətən, Azərbaycanda yeni alınmış VAZ, Mercedes-Benz, Hyundai, KİA, Volkswagen və Toyota modellərini təkarar bazarda satmaq digər markalar ilə müqayisədə daha rahat olur.
“Məsləhətli don gen olar” el məsəlinə uyğun olaraq sizə tövsiyələrimizi verərək, mövcud fürsətləri diqqətinizə çatdırdıq. Seçiminiz doğru olsun!
Son şərhlər