Yaponiyada xeyriyyə tədbirlərində “gəlirlərini az bəyan etməkdə” şübhəli bilinən hakim Liberal Demokrat Partiyasının (LDP) nazirləri istefa veriblər.
Elchi.az xəbər verir ki, LDP-də “Abe Şinzo” qrupu kimi tanınan “Seiva” fraksiyasının üzvlərinin “partiya ianə tədbirlərindən az bəyan edilən gəlirləri” ilə bağlı iddialar Yaponiyanın gündəmini zəbt edib.
Baş nazir Kişida Fumionun kabinetindəki “Seiwa” fraksiyasından “gəlirlərini az hesabat verməkdə” şübhəli bilinən 4 nazir istefa verib.
Kişida istefaları qəbul edib. Beləliklə, Kişidanın kabinetində 4 yüksək vəzifəli yer boş qalıb.
“Hökumət sözçüsü” olan Nazirlər Kabinetinin Baş Katibi Matsuno Hirokazu, habelə iqtisadiyyat naziri Nişimura Yasutoşi, kənd təsərrüfatı naziri Miyaşita İçiro və daxili işlər naziri Suzuki Junji öz vəzifələrini tərk ediblər.
Kişida Fumionun kabinetində yüksək rütbəli nazir müavinləri və parlamentin nazir müavinlərinin də istefa verdiyi bildirilib.
Şayəstə Hüseynova
Son şərhlər