XIII Qlobal Bakı Forumunun ikinci günü başa çatdı – FOTO/ YENİLƏNDİ

Azərbaycan Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə martın 12-də işinə başlayan “Keçid dövründə olan dünyada fikir ayrılıqlarının aradan qaldırılması” mövzusunda XIII Qlobal Bakı Forumunun ikinci günü yekunlaşıb.

Elchi.az xəbər verir ki, martın 14-dək davam edəcək Forum qlobal təhlükəsizlik, beynəlxalq əməkdaşlıq və geosiyasi çağırışların müzakirəsi məqsədilə dünyanın müxtəlif ölkələrindən sabiq dövlət və hökumət başçılarını, beynəlxalq təşkilatların rəhbərlərini və nüfuzlu ekspertləri Bakıda bir araya gətirib.

Forumun ikinci günündə “Çin və Qlobal İdarəetmə Təşəbbüsü”, “Danışıqlardan kənarda: COP-u yaşatmaq uğrunda mübarizə”, “Orta Dəhliz və Avrasiya Bağlantı Qapısı”, “Afrika: Bu gün və sabah” və “2030 Gündəliyinin sürətləndirilməsi: inklüziv inkişaf və dayanıqlı bağlantılar” mövzularında panel müzakirələri keçirilib.

Müzakirələrdə iqtisadiyyat naziri Mikayıl Cabbarov, Türkiyənin ətraf mühit, şəhərsalma və iqlim dəyişikliyi naziri Murat Kurum, Avropa İttifaqı Şurasının sabiq Prezidenti Şarl Mişel, Özbəkistan Prezidentinin xarici siyasət məsələləri üzrə müşaviri Əbdüləziz Kamilov və digər rəsmilər iştirak ediblər.

***

09:33

Bu gün Azərbaycan Prezidenti İlham Əliyevin himayəsi və Nizami Gəncəvi Beynəlxalq Mərkəzinin təşkilatçılığı ilə XIII Qlobal Bakı Forumun ikinci günü başlayıb.

Martın 14-dək davam edəcək Forum bu il “Keçid dövründə olan dünyada fikir ayrılıqlarının aradan qaldırılması” mövzusuna həsr olunub.

Tədbir qlobal təhlükəsizlik, beynəlxalq əməkdaşlıq və geosiyasi çağırışların müzakirəsi üçün dünyanın müxtəlif ölkələrindən sabiq dövlət və hökumət başçılarını, beynəlxalq təşkilatların rəhbərlərini və nüfuzlu ekspertləri Bakıda bir araya gətirib.

FOTO: Elnur Muxtar