Serbiya prezidenti Aleksandr Vuçiç Rusiyanın paytaxtı Moskvada konsert zalına silahlı hücumdan ABŞ və İngiltərənin əvvəlcədən bildiyini bildirib.
Elchi.az xəbər verir ki, Vuçiç yerli televiziya proqramında Moskvada konsert salonunda mülki şəxsləri hədəf alan terror aktı ilə bağlı qiymətləndirmələr aparıb.
Rusiya prezidenti Vladimir Putinə və rus xalqına başsağlığı verən Vuçiç, “Bir şeyi dəfələrlə demişik, amma çox az adam eşitmək istəyir, çox az adam inanmaq istəyir, çox az adam faktlara baxmaq fikrindədir; Martın 7-də ABŞ (Moskva) “Səfirlik öz vətəndaşlarına ticarət mərkəzlərinə getməməyə müraciət edəndə, ingilislər və digərləri də bunu etdilər. Deməli, onların xüsusi xidmət orqanları bəzi söhbətləri dinləyir, məlumat alırdılar və bilirdilər ki, bu baş verəcəkdi”, – deyib.
Vuçiç Moskvada baş verən hadisənin ölçülməz nəticələrə səbəb ola biləcəyini bildirib və Serbiya Milli Təhlükəsizlik Şurasının sabah toplanmasına çağırıb.
İdarə Heyətinin iclasının keçirilməsi üçün müxtəlif səbəblərin olduğunu qeyd edən Serbiya prezidenti Vuçiç iclasda Moskvadakı hücumun da müzakirə olunacağını bəyan edib.
Moskvada konsert zalında törədilən terror aktı nəticəsində ilkin hesablamalara görə, 40 nəfər ölüb, 100-dən çox insan yaralanıb.
Nuranə Məmmədova
Son şərhlər