Serbiya prezidenti Aleksandr Vuçiç ABŞ-ın Serbiyanın Neft Sənayesinə (NIS) tətbiq etdiyi sanksiyalara görə Rusiyanı günahlandırmaqdan imtina edib.
Elchi.az xəbər verir ki, bu barədə “TASS” məlumat yayıb.
O, həmçinin rusiyalı tərəfdaşlarını bu cür məhdudiyyətlərin ölkəsi üçün nəticələrini yenidən nəzərdən keçirməyə və birgə həll yolu tapmağa çalışmağa çağırıb. O, bəyan edib ki, baş verənlərdə “rusların günahı yoxdur” olsa da, o, dövlət başçısı kimi xalqının bundan sonra da günahsız əzab çəkməsinə imkan verə bilməz.
Bundan əvvəl NIS-in yanacaq aldığı Xorvatiya neft kəmərinin ABŞ sanksiyaları səbəbindən əməkdaşlığı dayandırdığı açıqlanmışdı. Bu məhdudiyyətlər NIS Vaşinqtondan yeni möhlət təmin edə bilmədiyi üçün qüvvəyə minib. Serbiyanın NIS-də payı 29,87 faiz, Qazprom Neft 44,85 faiz, Qazprom isə 11,3 faizdir.
