Vaşinqton Mərkəzi Asiyada balansın tamamilə Rusiyanın xeyrinə pozulmasını istəmir.

Axar.az xəbər verir ki, bunu politoloq Elxan Şahinoğlu deyib.

O bildirib ki, Mərkəzi Asiya Rusiyaya daha çox bağlıdır:

“ABŞ dövlət katibi Con Kerrinin Mərkəzi Asiya ölkələrinə turnesi başlayır.   Görünür, bu, Vaşinqtonun Kremlə mesajıdır ki, “Sənin qonşuların bizim də maraq dairəmizdədir və Mərkəzi Asiya sənin arxa baxçan deyil”.

Ancaq bütün hallarda Mərkəzi Asiya kiçik istisnalarla siyasi, iqtisadi və hərbi əməkdaşlıq baxımından daha çox Rusiyaya bağlıdır”.

Politoloqun fikrincə, Vaşinqton Qırğızıstandakı hərbi bazasını itirsə də, Özbəkistan və Türkmənistanla hərbi əməkdaşlığını davam etdirir: “Bu Daşkəndlə Aşqabadın da maraqlarına cavab verir. Bu iki ölkə Rusiyanın təsiri altına düşmək istəmirlər”.