“Ruben Vardanyan adlı rusiyalı milyarderin Xankəndinə gəlməsi və Rusiya vətəndaşlığından imtina etməsi son günlərin müzakirə edilən mövzularındandır”.
Elchi.az xəbər verir ki, bu barədə Bakı Politoloqlar Klubunun sədri Zaur Məmmədov Feysbuk hesabında qeyd edib.
“Erməni KİV və mediasının sentyabrın 1 dən monitoqinqi onu göstərir ki, hazırda həm hökumət, həm müxalifət, həm də Arutunyan onun gəlişi və verdiyi bəyanatları şərh etmir, iqtidar və müxalifət mediası daha çox məsələni işıqlandırmayaraq Vardanyanın gəlişinin əsas məqsədini başa düşmək istəyir.
Bəs Vardanyan niyə birbaşa Ermənistana deyil, Qarabağa gəlib. O yaxşı başa düşür ki, Ermənistanın baş naziri olmaq üçün birbaşa İrəvana gəlsəydi cəmiyyətdə reklamı az gedərdi. İndiki halda isə, söhbət “milyarder Vardanyanın işini – gücünü ataraq ermənilər üçün faciəvi vaxtda Qarabağa köçməsi” onun üçün xalq arasında ən yaxşı piardır. Qarabağla bağlılığı olmayan, İrəvanda doğulub orta məktəbə gedən, Türkiyəyə dəfələrlə səfərlər edən Vardanyanın özünü “vətənpərvər” kimi piar etməsini əsl səbəbi – hakimiyyətdir.
Ruben Vardanyanın əsl məqsədi – Ermənistanın lideri olmaqdır. Maraqlı nyüans ortaya çıxır. Vaxtilə qərbpərəst Saakaşvili də oxşar ssenari ilə rus milyarderi İvanişvili tərəfindən hakimiyyətdən uzaqlaşdırılmışdı. Bu dəfə isə, qonşu Ermənistanda Saakaşvilidən az qərbpərəst olmayan, rusofob Paşinyan gözlənilmədən xaricdən gələn milyarder Vardanyanla hakimiyyət uğrunda mübarizə aparmalı olacaq”.
Z.Məmmədovun sözlərinə görə, təsadüfi deyil ki, Nikolun ailəsi tərəfindən idarə olunun informasiya resursları Vardanyanın gəlişinə ümumilikdə susmaqla, 2 məqalədə isə tənqidlə cavab verdilər:
“Bəs revanşistlərin Vardanyanla hansı əlaqəsi var? İşxan Saqatelyan və digər nisbətən gəncləri çıxmaqla qocaman siyasətbazların Rubenlə uzunmüddət idi ki, biznes əlaqələri mövcud idi. Koçaryan indiki halda yaxşı başa düşür ki, Ermənistan daxilində Paşinyana seçki yolu ilə kürsüdən endirəcək lider yoxdur. Baxmayaraq ki, Koçaryanın ətrafındakı media da Vardanyanla bağlı ironiyalı yazılar dərc etməkdədirlər. Maraqlı məqam, Koçaryanın avqustda ölkəni birnüddətlik tərk etməsi idi. Kim bilir, bəlkə də onlar arasıbda xaricdə görüş baş tutub.
Bəs Vardanyan gələrsə nə olacaq?
Vardanyan indiki Ermənistan müxalifətindəki personalardan fərqli baxış bucağını son müsahibədə ortaya qoyub. Bəyanatında müharibələrdə iştirak etmədiyini, qonşularla sülhün vacibliyindən danışıb. Bu taktika isə, sözsüz ki, Paşinyanın elektoratının oğurlanmasına hesablanıb.
Onun biznes düşüncəli olaraq bu illər ərzində milyardlar əldə etməsi, bir dəfə də Qarabağa gəlməməsi, Rusiyadan çıxıb gəlməsi əsas hədəfin məhz – geosiyasi kontekst olduğu fikrini aktual edir . Rusiya revanşistləri və yeni müharibə istəyənləri seçmədi, İvanişvili stilindəki soyuqqankı kadra üstünlük verdi.
Öz növbəsində, Vardanyanın Ermənistana gəlməsinini Ukraynadakı müharibə ilə minimum əlaqəsi var. Hələ 2021- ci ilin yayında Ruben Vardanyan Ermənistana gələrək siyasətlə məşqul olmaq istədiyini bəyan etmişdi.
Xatırladım ki, Vardanyanın kompaniyalarına qarşı son 5 ildə İtaliya, İspaniya, Almaniya tərəfindən yoxlanmalara başlanılıb.
Belə ki, hətta 2019-cu ildə Avroparlamentin 22 deputatı açıq məktubla Avrokomissiyanın o vaxtki rəhbərinə müraciət etmişdilər. Onun şirkəti 80 dən artıq şirkətin milyardlarla dollarının ofşorlara transfer edilməsində, çirkli pulların yuyulmasında günahlandırılır.
Beləcə, Ruben Vardanyan Qarabağa necə gəlibsə, elə də ordan rədd olacaq. Ermənistanı isə maraqlı siyasi proseslər gözləyir”.
Yeganə
Son şərhlər