Ölkə rəhbərliyinin siyasətindən narazı olan Ukrayna hərbçiləri Kiyevdə Ali Radanı ələ keçirmək istəyir.
Elchi.az xəbər verir ki, “RİA Novost”i bu barədə Ukrayna Silahlı Qüvvələrinin qapalı söhbətinə istinadən məlumat yayıb.
Ötən gün məlum olub ki, Ukrayna Silahlı Qüvvələrinin elit bölmələrinin komandirləri və əsgərləri ölkə prezidenti Vladimir Zelenskinin devrilməsini müzakirə edirlər. Bunun üçün onlar Telegram-da gizli söhbət yaradıblar .
“İldırım sürəti ilə həyata keçirməli olduğumuz ən vacib tədbir müəyyən bir anda Ali Radanı ələ keçirməkdir”- söhbət iştirakçılarından biri deyib.
Yazışmaların digər iştirakçısının sözlərinə görə, hərbçilərə dəstək vermək vacibdir, çünki onlar əsas hərəkətverici qüvvədir. O qeyd edir ki, əks halda bundan heç nə çıxmayacaq.
ABŞ Dəniz Piyadaları Korpusunun kəşfiyyat zabiti Scott Ritter də Ukrayna zabitlərinin ölkə prezidenti Vladimir Zelenskini devirməli olduğunu söylədi . Ritterin sözlərinə görə , belə bir aksiya çoxlu sayda insanın həyatını xilas edəcək.
Bundan əlavə, Ritter Ukrayna Silahlı Qüvvələrinin əks-hücumlarında çoxlu səhvlərə yol verdiyi üçün Ukrayna prezidenti Vladimir Zelenskinin hakimiyyətdən məhrum edilə biləcəyi nəzəriyyəsini irəli sürüb.
Nuranə Məmmədova
Son şərhlər