İsveçin yeni baş naziri Ulf Kristersson ilk xarici səfərini Finlandiyaya etdi. Baş nazir Kristersson finlandiyalı həmkarı Sanna Marin ilə paytaxt Helsinkidə görüşüb.
Elchi.az xəbər verir ki, görüşdə iki ölkə arasındakı əlaqələr, İsveç və Finlandiyanın NATO-ya üzvlük prosesi və Ukraynadakı müharibə müzakirə edilib. Kristersson, İsveçin NATO üzvlüyünün təsdiqi ilə bağlı Madriddə Türkiyə ilə imzalanan üçtərəfli razılaşmanın şərtlərini yerinə yetirməkdə qərarlı olduğunu bildirib.
“Biz İsveçin üzərinə düşəni etməsinə nail olmaq üçün çox çalışırıq və əldə etdiklərimiz barədə ətraflı məlumat verəcəyik” dedi Kristersson. İsveç Türkiyə ilə imzalanan müqavilədən tam asılıdır. “Biz Türkiyənin terrorla mübarizəsinə böyük hörmətlə yanaşırıq, Türkiyənin verdiyi vədlərin gerçəkləşdiyinə əmin olmaq istəməsi qanunidir. Finlandiyanın Baş naziri Marin, “Mən NATO-ya müraciətimizin Şimali Avropanın təhlükəsizliyi üçün nə qədər vacib olduğunu vurğulamaq istəyirəm. “Biz NATO-nu gücləndirəcəyik. İki ölkənin eyni vaxtda NATO-ya daxil olmasının təkcə Finlandiya və İsveç üçün əhəmiyyətli olmadığını ifadə edən Marin, “İndiyə qədər etdiyimiz kimi NATO prosesində İsveçlə əl-ələ verməkdə qərarlıyıq. Bizim eyni zamanda NATO-nun üzvü olmağımız çox vacibdir. Çünki söhbət təkcə Finlandiya və ya İsveçdən getmir, Şimali Avropanın təhlükəsizlik mühitindən gedir”, – deyə o bildirib.
Şayəstə