ABŞ-dakı Tramp administrasiyası Honduras və Nikaraquadan olan mühacirlər üçün müvəqqəti qorunan statusu (TPS) rəsmi olaraq ləğv edib.
Elchi.az xəbər verir ki, ABŞ Daxili Təhlükəsizlik Departamentinin (DHS) Federal Reyestrdə dərc etdiyi bildirişə görə, hər iki ölkə üçün TPS statusunun müddəti sentyabrın 8-i saat 23:59-da başa çatıb.
Qərarın qüvvəyə minməsindən sonra ölkədəki təxminən 76.000 Honduraslı və Nikaraqualı mühacirin deportasiya mühafizəsi və iş icazələri qüvvəsini itirib.
TPS 1998-ci ildə Mitch qasırğasının yaratdığı dağıntıdan sonra 1999-cu ildə Honduras və Nikaraqua vətəndaşlarına verilmişdir.
DHS, hər iki ölkənin artıq proqram üçün qanuni tələblərə cavab vermədiyini bildirərək, Honduras və Nikaraquadakı şəraitin vətəndaşlarının təhlükəsiz şəkildə geri qayıtmasına imkan vermək üçün kifayət qədər yaxşılaşdığını qeyd etdi. Müvəqqəti Qorunan Status
ABŞ prezidenti Donald Tramp vəzifəyə gəldikdən sonra bəziləri hüquqi maneələrlə üzləşən Haiti, Venesuela və Əfqanıstan kimi ölkələrin müvəqqəti qorunan statusunu ləğv etmək üçün addımlar atıb.
TPS proqramı immiqrantlara deportasiyanın qarşısını alaraq ölkədə işləməyə imkan verir.
Trampın mühacir əleyhinə qərarları
Sələfi Joe Biden dövründə tətbiq edilən “müxtəliflik, bərabərlik və inklüzivlik” siyasətini ləğv etmək üçün andiçmə günü sərəncam imzalayan prezident Trump, daha sonra qanuni immiqrasiyaya icazə verən “CBP One” proqramının ləğv edildiyini açıqladı.
Prezident Tramp Quantanamo həbsxanasında ölkəyə qeyri-qanuni yollarla daxil olan “cinayətkar mühacirləri” saxlamaq üçün 30 min insanın yerləşə biləcəyi obyektin hazırlanmasını əmr edib. ABŞ-ın müdafiə naziri Pete Hegseth, obyektin “immiqrantlar üçün əla yer olduğunu” müdafiə etdi.
Şayəstə Hüseynova
