ABŞ prezidenti Donald Tramp Qətərin baş naziri və xarici işlər naziri Şeyx Məhəmməd bin Əbdülrəhman Əl Tani ilə görüşdən əvvəl Qəzza ilə bağlı açıqlamalar verib. Tramp “Qəzza ilə bağlı yaxşı xəbərlərimiz var” deyib.
Elchi.az xəbər verir ki, ABŞ prezidenti Donald Tramp Qəzza ilə bağlı xoş xəbərləri olduğunu deyib.
Tramp Qətərin paytaxtı Dohada Qəzzada atəşkəs üçün danışıqların davam etdiyi bir vaxtda dünən Ağ Evdə keçirilən imza mərasimində danışıb.
Tramp Yaxın Şərq üzrə Xüsusi Nümayəndə Steve Witkoff-a təşəkkür edərkən, “Qəzza ilə bağlı yaxşı xəbərlərimiz var və üzərində işlədiyimiz bir neçə çox yüksək səviyyəli mövzuda yaxşı xəbərimiz var” dedi.
Məsələ ilə bağlı geniş açıqlama verməyən Tramp, imzalanma mərasimindən sonra Ağ Evdə Əl Tani ilə bağlı qapılar arxasında görüş keçirib.
Şayəstə Hüseynova
