ABŞ Prezidenti Donald Tramp Avropa Birliyi (AB) Komissiyasının ABŞ-da yerləşən X sosial media platformasına qarşı 120 milyon avro cərimə tətbiq etməsi ilə bağlı şərhində dedi: “Avropa işlər görərkən çox diqqətli olmalıdır. Biz Avropanın Avropa olaraq qalmasını istəyirik, amma hazırda Avropa çox pis istiqamətdə gedir.”
Elchi.az xəbər verir ki, Ağ Evdə fermerlərə dəstək məsələsi ilə bağlı keçirilən görüşdən sonra ABŞ Prezidenti Tramp mətbuatın mövcud vəziyyətlə bağlı suallarını cavablandırdı.
ABŞ-da yerləşən X sosial media platformasına qarşı AB Komissiyasının 120 milyon avro cərimə tətbiq etməsi ilə bağlı şərhində Tramp qərardan narazılığını vurğuladı.
Tramp, X platformasının sahibi Elon Maskın hələ bu məsələ ilə bağlı onunla əlaqə saxlamadığını, lakin bu barədə daha çox məlumat əldə etmək üçün onunla əlaqə saxlayacağını bildirdi.
Cərimənin tətbiqini həyata keçirən AB-yə xəbərdarlıq edən ABŞ Prezidenti Tramp dedi: “Avropa işlər görərkən çox diqqətli olmalıdır. Biz Avropanın Avropa olaraq qalmasını istəyirik, amma hazırda Avropa çox pis istiqamətdə gedir.” Bu vəziyyətin hər kəs üçün “çox pis” olduğunu iddia edən Tramp, “Avropanın bu qədər dəyişməsini istəmirik. Avropa çox pis istiqamətdə gedib. Bu, çox vacib bir məsələdir” dedi.
Şayəstə
