ABŞ prezidenti Donald Tramp və İsrailin baş naziri Benyamin Netanyahu bu gün Floridada görüşürlər. Qəzzada atəşkəsin növbəti mərhələsi müzakirə olunacaq.
Elchi.az xəbər verir ki, ABŞ prezidenti Donald Tramp və İsrailin baş naziri Benyamin Netanyahu Qəzzada atəşkəsin ikinci mərhələsini müzakirə etmək üçün bu gün Floridada görüşəcəklər.
Ağ Evdən verilən açıqlamaya görə, görüş Trampın Palm Biçdəki Mar-a-Lago kurortunda yerli vaxtla saat 13:00-da (Türkiyə vaxtı ilə saat 21:00) keçiriləcək.
Hansı mövzular müzakirə olunacaq?
Bildirilir ki, Tramp yanvar ayının əvvəlində Qəzzaya texnokratik Fələstin administrasiyasının və beynəlxalq sabitləşdirmə qüvvələrinin yerləşdirilməsini elan etmək istəyir.
İsrail hökumətinin sözçüsü Şoş Bedrosian bildirib ki, Netanyahu danışıqların ikinci mərhələsini, o cümlədən “Həmasın tərksilah edilməsi və Qəzzanın silahsızlaşdırılması”nı müzakirə edəcək.
Netanyahunun bu il ABŞ-da Trampla beşinci görüşü zamanı İrana da diqqət yetirməsi gözlənilir. İsrail mediasının məlumatına görə, Netanyahu Tehranın nüvə proqramına qarşı ABŞ-ın daha çox zərbə endirməsi tələbini qaldıracaq.
Şayəstə
