ABŞ prezidenti Donald Tramp İranın nüvə obyektlərinin ABŞ-ın zərbələri nəticəsində “dağıdıldığını” bəyan edərək, “Lazım gələrsə, bunu yenidən edəcəyik” deyib.
Elchi.az xəbər verir ki, ABŞ prezidenti Donald Tramp ölkəsinin İranın nüvə obyektlərini hədəf alan hücumları ilə bağlı yeni açıqlama verib. Tramp özünün “Truth” sosial media platformasındakı paylaşımında İranın xarici işlər naziri Abbas Arakçının Tehranın nüvə obyektləri ilə bağlı “Zərər çox ciddidir; onlar dağıdılıb” dediyini qeyd edərək, “Əlbəttə ki, belədir! Eynilə dediyim kimi. Lazım gələrsə, yenidən edəcəyik” dedi. ABŞ-da yerləşən CNN xəbər kanalının ABŞ-ın İranın nüvə obyektlərinə hücumlarının Tehranın nüvə silahı istehsal etmək qabiliyyətini tam pozmadığını bildirdiyini xatırladan Tramp, “Yalanı dərc edən CNN dərhal yalançı “müxbirini” işdən çıxarmalı və məndən və İranın nüvə obyektlərini “dağıdan” gözəl pilotlardan üzr istəməlidir” deyib. Tramp qərəzli olduğu üçün tənqid etdiyi CNN-in də MSNBC kimi izləyici sayının azaldığını iddia edib.
İranın xarici işlər naziri Arakçi deyib ki, onlar nüvə zənginləşdirməsindən imtina edə bilməzlər
İranın xarici işlər naziri Abbas Arakçi ABŞ-da yerləşən Fox News telekanalının əməkdaşı Bret Baier-ə danışarkən bildirib ki, Tehran nüvə zənginləşdirmə proqramından əl çəkə bilməz. Arakçı, “Bəli, zənginləşdirmə indi dayanıb. Çünki ziyan ciddi və ağırdır. Amma təbii ki, biz zənginləşmədən imtina edə bilmərik, çünki bu, öz alimlərimizin nailiyyətidir. Bundan əlavə, bu, milli qürur məsələsidir” deyib.
Şayəstə Hüseynova
