Reuters agentliyi Trampın vaxtından əvvəl istefası ilə bağlı təhlükədən xəbər tutub.
Reuters: Tramp Qrenlandiyanın ilhaq planları ilə bağlı impiçmentlə hədələnib.
Elchi.az xəbər verir ki, ABŞ prezidenti Donald Tramp Qrenlandiyanı ələ keçirmək planından imtina etməsə, impiçment riski ilə bağlı xəbərdarlıq edilib. Reuters bu barədə məlumatlı mənbələrə istinadən məlumat yayıb.
Nəşr bildirir ki, Vaşinqton Konqres üzvlərinin bəzilərinin narahatlığına baxmayaraq, adanı hərbi yolla ələ keçirmək planından imtina etməyib.
“Administrasiya Konqreslə əvvəlcədən məsləhətləşmədən yenidən böyük bir hərbi əməliyyata başlamağa çalışır”, – deyə iki mənbə agentliyə bildirib.
Mənbələrinə görə, Trampa məlumat verilib ki, əgər o, Qrenlandiyanı tamamilə hərbi güc tətbiq etməklə ələ keçirməyə cəhd edərsə, Konqres üzvləri onun vəzifədən kənarlaşdırılması üçün səsvermə başlada bilərlər. Eyni zamanda, məqalədə əlavə olunur ki, ABŞ administrasiyasına yaxın mənbələr Qrenlandiyada hərbi ssenarinin heç vaxt ciddi şəkildə nəzərdən keçirilmədiyini iddia edirlər.
Bundan əvvəl Tramp NATO-nun baş katibi Mark Rutte ilə Qrenlandiyanı müzakirə etdiyini və adanın gələcəyi ilə bağlı onunla razılığa gəldiyini açıqlayıb. Ağ Ev rəhbərinin sözlərinə görə, görüş Qrenlandiya və bütün Arktika regionu ilə bağlı razılaşmanın təməlini qoyub. Tramp əlavə edib ki, bu baxımdan ABŞ adanın ABŞ-a ilhaqına qarşı çıxan səkkiz Avropa ölkəsinə tarif tətbiq etməyəcək.
Şayəstə
