ABŞ prezidenti Donald Tramp CNN və New York Times-ı ABŞ-ın İranın nüvə obyektlərinə hücumunun Tehranın nüvə silahı istehsal etmək qabiliyyətinə tam mane olmadığına dair iddialarına görə “yalan danışmaqda” ittiham edib.
Elchi.az xəbər verir ki, “Truth Social” hesabında yazdığı paylaşımda Tramp ABŞ mediasında İranın nüvə obyektlərinə hücumun “nüvə obyektlərinə tam təsir etmədiyini, işi bir neçə ay gecikdirdiyini” iddia edən xəbərlərə reaksiya verib.
ABŞ prezidenti, “Saxta xəbər kanalı CNN uğursuz New York Times ilə birlikdə tarixin ən uğurlu hərbi hücumlarından birini təsirsiz hala gətirmək üçün birləşdi” deyib.
“İrandakı nüvə obyekti tamamilə dağıdılıb. Həm NY Times, həm də CNN ictimaiyyət tərəfindən amansızlıqla tənqid olunur”, – Tramp ABŞ-ın nüfuzlu media qurumlarını “saxta xəbərlər”də ittiham edib. ABŞ-ın B-2 bombardmançı təyyarələri və sualtı qayıqlarının İranın üç nüvə obyektinə etdiyi hücumlardan sonra Tramp müxtəlif platformalarda Tehranın nüvə potensialının “tamamilə məhv edildiyini” açıqlayıb. Ölkənin bəzi KİV-ləri isə bunun doğru olmadığını, lakin İranın nüvə işini bir neçə aya geri sala biləcək təsirin yarana biləcəyini iddia edirdilər.
Şayəstə Hüseynova
