ABŞ-ın keçmiş prezidenti Donald Tramp bildirib ki, ABŞ-ın hazırkı prezidenti Co Baydenin İsrail və Ukrayna ilə bağlı çıxışı müharibənin qızışdırılmasına töhfə verib.
Elchi.az bu barədə Reuters.com-a istinadən xəbər verir.
“Baydenin çıxışı İsrailə xəyanət və müharibəyə təhrikdir. Amerika onun üçün sonuncu yerdədir. Yəqin ki, üçüncü dünya müharibəsi ilə nəticələnəcəksiniz, çünki savadsız prezidentiniz var”, – deyə Tramp Nyu-Hempşirdə tərəfdarları qarşısında çıxış edərkən bildirib.
O, əmindir ki, prezident kürsüsündə olsaydı, Ukraynadakı münaqişənin və Yaxın Şərqdə gərginliyin qarşısını ala bilərdi: “Vicdansız Co Baydenin zəifliyi fəlakətli dünya münaqişəsinə səbəb olacaq. Üzr istəyirəm, bu, artıq buna gətirib çıxarıb”, – Tramp bildirib.
Qeyd edək ki, oktyabrın 19-da Bayden Ağ Evdə çıxış edərək videomüraciətdə həmvətənlərinə səslənərək, Ukrayna və İsrailə yardımı davam etdirməkdə israrlı olduğunu bildirib.
Yeganə
Son şərhlər