ByteDance daxili audit qrupunun yenidən qurulmasını elan edir.
Elchi.az xəbər verir ki, TikTok-un sahibi olan Çinin ByteDance şirkəti daxili araşdırmadan sonra işçilərin ABŞ-da iki jurnalist də daxil olmaqla bir sıra sosial şəbəkə istifadəçilərinin məlumatlarını qanunsuz olaraq əldə etdiklərini bildirib. Bu barədə “The New York Times” yazır.
Nəşrin məlumatına görə, bu ilin yayında işçilərin davranışına nəzarət edən bir neçə ByteDance əməkdaşı jurnalistlərə daxili söhbətlərin, eləcə də işgüzar sənədlərin sızdırıldığı iddia edilən mənbələri tapmağa çalışıb. Nəticədə, bu işçilər İP ünvanlarına, eləcə də iki müxbirin və jurnalistlərlə əlaqəli olan az sayda vətəndaşın digər məlumatlarına çıxış əldə ediblər. Eyni zamanda şirkət qeyd edib ki, sızmaların mənbələrinin özlərini tapmaq mümkün olmayıb.
Bu araşdırmanın Forbes-in ByteDance-ın bir sıra Amerika vətəndaşlarının harada olduğunu izləmək üçün TikTok-dan istifadə etmək planları haqqında dərc etməsindən sonra başladığı vurğulanır. Aparılan araşdırmalar bu narahatlıqların bir qismini təsdiqləyib.
İkisi Çində və ikisi ABŞ-da olan bu sxemdə iştirak edən dörd işçi işdən çıxarıldı və ByteDance daxili audit qrupunu yenidən qurduğunu elan etdi.
Xatırladaq ki, Mərkəzi Kəşfiyyat İdarəsinin (MKİ) direktoru Uilyam Börns ərəfəsində TikTok-u ABŞ-ın milli təhlükəsizliyinə real təhlükə adlandırmışdı və bundan bir qədər əvvəl amerikalı qanunvericilər Konqresin hər iki palatasına bu sosial şəbəkədən istifadəni qadağan edən qanun layihəsi təqdim etmişdilər.
Şayəstə
Son şərhlər