“Cəbhət ən-Nüsra” radikal qruplaşmasının terrorçuları ilahiyyatçı İmam ən-Nəvəvinin məqbərəsini partladıblar.
Trend-in xarici KİV-ə istinadən verdiyi məlumata görə, məqbərə 13-cü əsrdə Suriyanın cənubundakı Nəva şəhərində tikilib.
Qeyd edək ki, müxtəlif dini şüarlar altında tarixi obyektlərin dağıdılması halları ilk dəfə baş vermir. Belə ki, Suriyadakı 4 ildir davam edən vətəndaş müharibəsi dövründə dünyanın ən qədim məscidlərindən biri olan “əl-Öməri” məscidinin və Hələbdə Əməvilərin Böyük məscidinin minarələri də dağıdılıb.
