Böyük Britaniyanın baş naziri Keir Starmer Yaxın Şərqdə davamlı sülh üçün İsrail və Fələstin arasında iki dövlətli həllin mümkün olmadığını bildirib.
Elchi.az xəbər verir ki, Starmer Londonda Fransa prezidenti Emmanuel Makronla görüşündən sonra birgə mətbuat konfransında danışıb.
Böyük Britaniya və Fransanın çətin anlarda liderlik etmək vəzifəsi olduğunu qeyd edən Starmer, hər iki ölkə xalqının tələbləri istiqamətində əməkdaşlığı artırdıqlarını bildirib.
Qeyri-qanuni miqrasiyanın hər iki ölkə üçün böhran olduğunu vurğulayan Starmer, “Bu, hüquq, təhlükəsizlik, insanlıq və bərabərlik böhranıdır. Biz dəstələr tərəfindən idarə olunan milyardlarla sterlinqlik bir müəssisə ilə qarşı-qarşıyayıq. Onlar minlərlə insanı La-Manş boğazında ölümə sürükləyirlər. Bu ticarəti birlikdə bitirməkdə qərarlıyıq” dedi. Bu kontekstdə yeni bir siyasət həyata keçirəcəklərini açıqlayan Starmer, “Qanunsuz miqrantlar (İngiltərəyə ilk dəfə ayaq basan) Fransaya qaytarılacaq. Bu şəxslərin hər biri üçün qanuni və təhlükəsiz bir şəkildə başqa bir şəxs yoxlanılaraq İngiltərəyə geri göndəriləcək. Bu hüquq yalnız təhlükəsizlik yoxlamasından keçən və İngiltərəyə qanunsuz giriş cəhdi olmayanlara veriləcək” dedi.
Starmer bildirib ki, bu siyasət növbəti qeyri-qanuni miqrantların Kanal boyunca bu təhlükəli səyahətə çıxmasının qarşısını alacaq.
Bu siyasətin önümüzdəki həftələrdə qüvvəyə minəcəyini ifadə edən Starmer, “Bəzi insanlar niyə hələ də miqrantları qəbul etdiyimizi soruşacaq. Sığınacaq istəyənləri qəbul edəcəyik. Çünki bu, həqiqətən ehtiyacı olanlara təqdim etdiyimiz bir hüquqdur. Biz təkbaşına hərəkət edərək və müttəfiqlərimizə “Oynamırıq” deyərək gəmilərin dənizi keçməsini dayandıra bilmərik” dedi.
Şayəstə Hüseynova
