Serbiyada 53 seçki məntəqəsində növbədənkənar parlament seçkilərinin təkrar səsverməsi keçiriləcək.
Elchi.az xəbər verir ki, bu barədə Serbiyanın Milli Seçki Komissiyası (REK) məlumat yayıb.
“Nəticələrin təsdiq edilə bilməyəcəyi müəyyən edilən və 25 oktyabr 2026-cı il tarixli səsvermənin ləğv edildiyi seçki məntəqələrində təkrar səsvermənin keçirilməsi barədə qərar qəbul edilib”, – Serbiya Seçki Komissiyası izah edib.
53 seçki məntəqəsində təkrar səsvermə bazar günü, noyabrın 1-də keçiriləcək.
Oktyabrın 25-də Serbiyada keçirilən növbədənkənar seçkilərdə Tələbə siyahısı partiyası təxminən 53 faiz səs toplayaraq qalib gəldi. Keçmiş prezident Aleksandr Vuçiçin rəhbərlik etdiyi hakim partiya 39 faiz səs toplayıb.
Oktyabrın 26-da Rusiya prezidenti Vladimir Putinin mətbuat katibi Dmitri Peskov bildirib ki, Serbiyada hakimiyyətə gələn yeni siyasi qüvvə Moskva ilə əməkdaşlığın Belqrad üçün faydalı olduğunu anlayacaq.
Yeganə
