“2023-cü ildən 2026-cı ilə qədər Rusiya Silahlı Qüvvələrində genişmiqyaslı dəyişikliklər baş verəcək”.
Elchi.az Vesti.ru-ya istinadən xəbər verir ki, bu sözləri Rusiyanın müdafiə naziri Sergey Şoyqu bildirib.
Xüsusilə, Rusiyada Moskva və Leninqrad hərbi dairələri, habelə Rusiya Federasiyasının yeni subyektlərinin ərazisində özünü təmin edən qoşun qrupları yaradılacaq. Bundan əlavə, Sergey Şoyqu Kareliya Respublikasında ordu korpusu, Quru Qoşunlarında üç motoatıcı diviziya və Hava Desant Qüvvələrində iki hava hücum diviziyasının yaradılması, Qərb, Mərkəzi bölgələrdə yeddi motoatıcı briqadanın motoatıcı diviziyalara yenidən təşkil edilməsi barədə göstəriş verib.
Hərbi Dəniz Qüvvələrinin, Aerokosmik Qüvvələrin və Strateji Raket Qüvvələrinin döyüş tərkibi də artırılacaq.
“Rusiya Federasiyasının Prezidenti Silahlı Qüvvələrin sayının 1,5 milyon hərbçiyə çatdırılması haqqında qərar qəbul edib”, – deyə Şoyuq xatırladıb.
Onun sözlərinə görə, bunlar ölkənin təhlükəsizliyini təmin etmək üçün zəruri tədbirlərdir.
Eyni zamanda, hərbi qulluqçuların sayının artırılması dövlət müdafiə sifarişi üzrə silah təchizatı və infrastrukturun inkişafı ilə sinxronlaşdırılmalıdır. Nazirin sözlərinə görə, müqavilə əsasında hərbi qulluqçular tərəfindən qoşunların cəlb edilməsinə, hərbi dairələrdə poliqonların sayının artırılmasına, Silahlı Qüvvələrin təlim mərkəzlərində mütəxəssislərin hazırlanmasının həcminin artırılmasına xüsusi diqqət yetirilməlidir.
Yeganə
Son şərhlər