Böyük Britaniyada onilliyin ən böyük tətili keçiriləcək, maaşların artırılması tələbi ilə keçirilən etirazlarda yarım milyona qədər insan iştirak edə bilər.
Elchi.az xəbər verir ki, etiraz aksiyaları yüz minlərlə işçi tərəfindən müxtəlif bölgələrdə təşkil olunacaq. Britaniya mediasına görə, bu tətil son on ilin ən böyük tətilidir.
Tətilçilərin əsas qrupunu təhsil sektorunun əməkdaşları təmsil edəcəklər. İngiltərə və Uelsdə 300 mindən çox müəllim ölkədəki böhran fonunda maaşların artırılmasını tələb edərək etiraz aksiyası keçirəcək. Bu, 23 000-dən çox məktəbi əhatə edən tarixdə ən böyük müəllim tətili olacaq. Onlara Britaniyanın 150 universitetinin 70 min əməkdaşı qoşulacaq.
Bundan əlavə, ən azı 100,000 Britaniya dövlət qulluqçusu çərşənbə günü tətilə gedəcək və bu, dövlət sektorunda son illərdə ən böyük tətil olacaq. 123 təşkilatın əməkdaşları, o cümlədən bir çox nazirliklər, dövlət idarələri, agentliklər və idarələr tətil təşkil edəcək.
Nümayişlər həmçinin nəqliyyat sektorunun on minlərlə əməkdaşı, xüsusilə ASLEF həmkarlar ittifaqının sürücüləri və 14 dəmir yolu şirkətindən olan RMT həmkarlar ittifaqının üzvləri tərəfindən təşkil olunacaq. Londonda nəqliyyat işçilərinin etiraz aksiyalarına 1,9 minə yaxın avtobus sürücüsü dəstək verəcək.
Yeganə
Son şərhlər