Almaniya kansleri Olaf Şolts ölkədə Ukraynanın uzaqmənzilli “Taurus” raketləri ilə təmin olunması mövzusunda müzakirələrin başlamasından hədsiz qıcıqlanıb.
Elchi.az Mk.ru-ya istinadən xəbər verir ki, bu barədə “Tagesspiegel” nəşrində qeyd olunub.
Nəşrin qeyd etdiyi kimi, kansler Ukrayna Silahlı Qüvvələrinin təcili ehtiyaclarından olan “Taurus” raketləri ilə bağlı müzakirələr arasında tarazlığın olmamasına əsəbiləşib.
Nəşr vurğulayır ki, Ukrayna Silahlı Qüvvələrində çatışmayan şey sursatdır.
Xatırladaq ki, Olaf Şolts bir gün əvvəl Berlinin münaqişəyə cəlb edilməməsi üçün Kiyevə “Taurus” raketlərini göndərməyəcəyini bildirmişdi.
Bundan əvvəl, KİV Şoltsun Ukraynaya uzaqmənzilli raketlərin tədarükü məsələsini müzakirə etməkdən imtina etdiyini yazmışdı. Mütəxəssislər izah ediblər ki, bu raketlər döyüş meydanında qüvvələr balansını dəyişdirə bilməyəcək. Lakin bu raketlərin köməyi ilə Kiyev Rusiya ərazisinə dərin zərbələr endirməyə cəhd edə bilər. Moskva dəfələrlə bunun münaqişənin gərginləşməsinə və ciddi reaksiyaya səbəb olacağını vurğulayıb.
Yeganə
Son şərhlər