Ölkə bu il Aİ-yə üzvlük danışıqlarına başlamağı planlaşdırır.
Elchi.az xəbər verir ki, Ukrayna hakimiyyəti ölkənin Korrupsiyaya Qarşı Mübarizə üzrə Milli Bürosunun direktorunu təyin edib və bununla da Avropa İttifaqına üzv olmaq üçün namizəd ölkənin son şərtini yerinə yetirib, Baş nazir Denis Şmıxal bildirib.
“Sadəcə növbədənkənar iclasda Semyon Krivonos büro rəhbəri təyin edildi. İndi Ukrayna Aİ-nin namizəd statusu əldə edərkən müəyyən edilmiş yeddi tövsiyəsinin hamısına əməl edib. Bu, bizim üzvlüklə bağlı danışıqların bu il başlanmasına keçmək əzmimizi nümayiş etdirir”, – o, Telegram kanalında yazıb.
Ukrayna baş nazirinin sözlərinə görə, antikorrupsiya bürosunun direktorunun təyin edilməsi ilə ölkə tam formalaşmış və müstəqil antikorrupsiya infrastrukturu əldə edib. Onun sözlərinə görə, ölkə hökuməti korrupsiyaya “sıfır dözümlülük” prinsipinə sadiqdir və antikorrupsiya institutlarına dəstək verir.
Şayəstə
