Şimali Koreya qitələrarası ballistik raketlərdə (ICBM) istifadə olunacaq yeni nəsil bərk yanacaq mühərrikinin son yer sınağını uğurla həyata keçirdiyini açıqlayıb. Sınaq ölkənin nüvə potensialını gücləndirmək hədəfində mühüm addım hesab olunur.
Elchi.az xəbər, Lider Kim Çen In da bazar ertəsi keçirilən sınaqların şahidi olub.
Bildirilir ki, karbon lifli mühərrik 1971 kilonewton güc verir ki, bu da onu əvvəlki modellərdən daha güclü edir. Bildirilir ki, bu mühərrik yeni nəsil ICBM sistemi olan Hwasong-20-də istifadə olunacaq.
ABŞ materikini hədəf almaq qabiliyyəti
Şimali Koreya son illərdə ABŞ materikinə çata bilən müxtəlif ICBM-ləri sınaqdan keçirib. Bərk yanacaqla işləyən modellər maye yanacaqla işləyən raketlərlə müqayisədə daha sürətli yerləşdirilməsi, asan daşınması və gizliliyi ilə seçilir. Kim Çen In raket əleyhinə müdafiə sistemlərindən yan keçmə ehtimalını artırmaq məqsədi ilə çoxsaylı döyüş başlıqları daşıya bilən sistemlərin yaradılmasına göstəriş verib.
Şayəstə Hüseynova
