Azərbaycanın Asiyada Qarşılıqlı Fəaliyyət və Etimad Tədbirləri üzrə Müşavirəyə (AQEM) 2024-cu ildən başlayan sədrliyini dinamik və məhsuldardır.
Elchi.az xəbər verir ki, bunu APA-ya açıqlamasında AQEM-in Baş katibi Kayrat Sarıbay bildirib.
Onun sözlərinə görə, bundan əlavə Azərbaycan qurum daxilində bir sıra maraqlı və faydalı tədbirlərin ideya müəllifidir: “Məsələn, Bakıda keçirilən İşgüzar Şura və Biznes forumu nümunə göstərə bilərəm. Kiçik və orta sahibkarlıq üzrə əməkdaşlığın inkişafına cavabdeh olan orqanlar üçün keçirilən tədbir əhəmiyyətli idi. Çünki istər Azərbaycanda, istərsə də Mərkəzi Asiyada bu sahə ölkələrin sosial-iqtisadi inkişafında mühüm əhəmiyyət kəsb edir”.
Baş katib Azərbaycan Respublikası Prezidentinin forum iştirakçılarına müraciətini bu quruma verilən ən yüksək qiymət kimi qiymətləndirib: “Çünki ilk dəfə dövlət başçısı bizim tədbir iştirakçılarını salamlayır. Qurumumuzun Azərbaycanın sədrliyi ilə qarşıdan gələn sammitində nizamnamənin qəbulu planlaşdırılır. Beləliklə, biz təşkilati baxımdan daha yüksək səviyyəyə qalxacağıq. Bütün bunlar, həmçinin təşkilat daxili, sektorlar arası, həm də beynəlxalq əlaqələrin genişlənməsi məhz Azərbaycanın sədrliyi altında mümkün olub”.
