Çin prezidenti Si Cinpin bildirib ki, Çin qlobal tərəfdaşlıq mərhələsinə nail olmaq üçün Rusiya ilə strateji əməkdaşlığı daha da genişləndirmək niyyətindədir.
Elchi.az xəbər verir ki, Çin Dövlət Başçısı Si Cinpin Rusiya Prezidenti Vladimir Putinlə görüşdə 2022-ci ildə ölkə liderlərinin müntəzəm görüşləri səbəbindən Rusiya Federasiyası ilə Çinin sıx strateji təmasda olduğunu bildirib.
Çin lideri bunu Rusiya Federasiyasının prezidenti ilə videobağlantı vasitəsilə danışıqlarda deyib.
“Bu il biz iki üz-üzə görüş keçirdik, bir neçə dəfə telefonla danışdıq və sıx strateji təmasdayıq”, – Si Cinpin deyib.
Çin lideri bildirib ki, Çin qlobal tərəfdaşlıq mərhələsinə nail olmaq üçün Rusiya ilə strateji əməkdaşlığı daha da inkişaf etdirmək niyyətindədir.
“Çətin və birmənalı olmayan beynəlxalq vəziyyət qarşısında biz Rusiya ilə strateji əməkdaşlıq qurmağa, bir-birimizə inkişaf imkanları təqdim etməyə və ölkələrimizin xalqlarının mənafeyi naminə qlobal tərəfdaş olmağa hazırıq”, – Si Cinpin deyib. .
ÇXR lideri həmçinin qeyd edib ki, Rusiya-Çin birgə tərəfdaşlığı “yeni dövrdə stressə qarşı müqavimət nümayiş etdirir”.
Rusiya prezidenti Putin çinli həmkarı Si Cinpini 2023-cü ilin yazında Moskvaya səfərə dəvət edib. O, bu barədə 2022-ci il dekabrın 30-da onlayn danışıqlar zamanı bildirib. O, həmçinin geosiyasi gərginlik şəraitində Rusiya-Çin münasibətlərinin əhəmiyyətinin artdığına diqqət çəkib.
Şayəstə