Çin prezidenti Si Cinpin kitabının imzalı surətini İsrailin baş naziri Benyamin Netanyahuya göndərib.
Elchi.az xəbər verir ki, İsrail baş nazirinin dəftərxanasının Tvitter hesabından edilən açıqlamaya görə, Çinin Tel-Əvivdəki səfiri Cai Run Netanyahunu ziyarət edib və Çin lideri Si Cinpinin kitabını təqdim edib.
Çin liderinin mesajını çatdıran səfir bildirib ki, Si İsrail baş nazirinin Çin-İsrail münasibətlərinə dair kitabında yazdıqlarını böyük maraqla oxuyub və yüksək qiymətləndirib.
“Səfir həmçinin bildirib ki, prezident Si bu ilin sonunda Pekində baş nazir Netanyahu ilə görüşü səbirsizliklə gözləyir”, – məlumatda deyilir.
Pekinlə yaxınlaşma
İsrailin baş naziri ötən ay Qərbi Qüdsdə ABŞ konqresmenləri ilə görüşüb və Konqres üzvlərinə Pekin administrasiyasından Çinə rəsmi səfərə dəvət aldığını bildirib.
Planlaşdırılan səfərin Netanyahunun Çinə dördüncü səfəri olacağı gözlənilir.
Maraqlıdır ki, Netanyahunun Pekinlə münasibətlərindəki təkan Vaşinqtonla Təl-Əviv administrasiyası arasında soyuq küləklər dövrünə təsadüf edib.
Vaşinqton-Təl-Əviv xəttində İsraildə kütləvi etirazlara səbəb olan mübahisəli məhkəmə tənzimləməsi, koalisiya hökumətində mühüm rol oynayan ifrat sağçı fiqurlar və izlənilən siyasətlər səbəbindən zaman-zaman gərginlik yaranır.
4 aylıq fasilədən sonra ABŞ prezidenti Co Bayden iyulun 17-də Netanyahu ilə telefonla danışaraq, İsraildəki qeyri-qanuni məskunlaşmalar və mübahisəli məhkəmə islahatları ilə bağlı narahatlığını dilə gətirib. Digər tərəfdən, Netanyahu hökuməti Ali Məhkəmənin səlahiyyətlərini məhdudlaşdıran məhkəmə tənzimləməsini qəbul etdi.
Nuranə Məmmədova
Son şərhlər