Beləliklə, Səudiyyə nefti indi avropalı müştərilərə bir barel üçün iki dollar baha başa gələcək.
Elchi.az xəbər verir ki, Səudiyyə Ərəbistanının dövlət neft-qaz şirkəti Saudi Aramco Asiya, Avropa və ABŞ-dakı müştərilərinə neftin satış qiymətlərini qaldırıb.
Bloomberg-in Saudi Aramco sənədlərinə istinadən verdiyi məlumata görə, Asiyadan neft alıcıları üçün qiymətlər 20 sent, ABŞ-dan isə 30 sent bahalaşıb. Ərəb nefti indi avropalı müştərilərə bir barrel üçün iki dollar baha başa gələcək.
Məlumatda qeyd edilir ki, bu, ötən ilin sentyabrından bəri qara qızılın qiymətində ilk artımdır. Səudiyyə Ərəbistanından neftin əsas alıcıları Çin, Hindistan, Yaponiya və Cənubi Koreyadır.
Səudiyyə Ərəbistanının OPEC+ razılaşması çərçivəsində noyabr ayından neft hasilatını gündə iki milyon barel azaltmaq qərarına dəstək verməsi ABŞ-da müttəfiqin kürəyindən zərbə kimi qəbul edilib. Ola bilsin ki, 70 ildən artıq müddətdə ilk dəfə səudiyyəlilər Amerikanın maraqlarını bu qədər güclü şəkildə pozdular.
Şayəstə